Muddaton Ye Soch Kar Tanhai Mein taDpa Kiye

muddatoñ ye soch kar tanhā.ī meñ taḌpā kiye

ho ga.e ham se judā vo aur ham dekhā kiye

ek lamhe meñ jo kar baiThe haiñ dīvāne tire

log sadiyoñ us kī lā-mahdūdiyat samjhā kiye

kāmyābī apne hisse meñ kabhī thī hī nahīñ

ham ne nākāmī se apne rāste paidā kiye

bevafā.ī us kī mere saath mat shāmil karo

jurm ham ne ishq meñ jitne kiye tanhā kiye

haath lagte hī bikhar jaatā hai jin kā shoḳh rañg

umr bhar in titliyoñ kī khoj meñ bhāgā kiye

Leave a Comment