mubarak dosto tum ko tumhari bazm-ara.i
ḳhuda-hafiz main ab chalta huun su-e-dasht-e-tanha.i
ravish badli na gul mahke na naghme hain na shahna.i
baḌa shohra tha gulshan men bahar aa.i bahar aa.i
ḳhusha e.ajaz ulfat daf.atan ye kaisi yaad aa.i
sar-e-tur-e-taḳhayyul jaise mauj-e-barq lahra.i
na hargiz shikva-e-beganagi karta zamane se
jo hota ashna-e-lazzat-e-zaḳhm-e-shanasa.i
koi sar-gashta-e-rasm-e-junun hai na.ara-zan ‘at.har’
sar-e-shahr-e-ḳhamoshan kaisi avaz-e-azan aa.i
Leave a Reply