Poet
har pari-vash ka e.atibar karo
zindagi sirf intizar karo
ham se nafrat karo ki pyaar karo
koi rishta to ustuvar karo
ham hain lazzat-kash-e-gunah-e-vafa
dosto ham ko sangsar karo
zindagi ho ki mai ki sachcha.i
talḳh jo shai ho us se pyaar karo
har janam par ba-yad-e-sarv-qadan
jaan supurd-e-faraz-e-dar karo
apne daman ki chand kaliyon se
tum na andaza-e-bahar karo
gul ke manind chaak chaak ho dil
itna sha.ista-e-bahar karo
ham-safar jab bhi ho nigar-e-ghazal
ravish-e-ḳhas iḳhtiyar karo
Leave a Reply