apni halat pe aansu bahane lage
sard raton men khud ko jagane lage
surkh taron ke hamrah kar ke safar
khvab-zaron se kyuun aage jaane lage
duur bajne lagi hai kahin bansuri
ham bhi zindan men giit gaane lage
jo basarat basirat se mahrum hain
shahr ke ainon ko sajane lage
ham ne jab hal-e-dil un se apna kaha
vo bhi qissa kisi ka sunane lage
nisti ka sitam koi kam tha jo tum
apni hasti ka dukh bhi manane lage
jab bujhi meri ankhon ki lau ‘asima’
tiira manzar bhi jalva dikhane lage
Leave a Reply