Bushra Ejaz
mohabbat men koi sadma uthana chahiye tha
bhulaya tha jise vo yaad aana chahiye tha
giri thiin ghar ki divaren to sehn-e-dil men ham ko
gharaunde ka koi naqsha banana chahiye tha
uthana chahiye thi raakh shahr-e-arzu ki
phir is ke baad ik tufan uthana chahiye tha
koi to baat karna chahiye thi khud se akhir
kahin to mujh ko bhi ye dil lagana chahiye tha
kabhi to ehtimam-e-arzu bhi tha zaruri
koi to ziist karne ka bahana chahiye tha
miri apni aur us ki aarzu men farq ye tha
mujhe bas vo use saara zamana chahiye tha
Leave a Reply