duniya ka ye e.azaz ye in.aam bahut hai
mujh par tire ikram ka ilzam bahut hai
is umr men ye moḌ achanak ye mulaqat
ḳhush-gam abhi gardish-e-ayyam bahut hai
bujhti hui sub.hen hon ki jalti hui raten
tujh se ye mulaqat sar-e-sham bahut hai
main marhamat-e-ḳhas ka ḳhvahan bhi nahin huun
mere liye teri nigah-e-am bahut hai
kamyab kiya hai use bazar-e-talab ne
ham the to vo arzan tha par ab daam bahut hai
us ghar ki badaulat mire sheron ko hai shohrat
vo ghar ki jo is shahr men badnam bahut hai
Leave a Reply