Saeed Ahmad Akhtar
kyuun jeb men mulla miri taqdir liye hai
kyuun raah ka har moḌ koi piir liye hai
karta hai shab-o-roz jo sarkar ki tarif
ye shaḳhs bhi shayad koi jagir liye hai
sar ek bhi main ne yahan uncha nahin dekha
pagal hai jo ab haath men shamshir liye hai
har peḌ se aati hai mire dost ki ḳhushbu
har phuul mire shoḳh ki tasvir liye hai
ik ajnabi milta hai baḌe pyaar se ‘aḳhtar’
kya vo bhi koi hasrat dil-gir liye hai
Leave a Reply