adil-mansuri

Shuur Nili Rutubaton Mein Ulajh Gaya Hai

shuur niili rutubaton men ulajh gaya hai

khulus ki ungliyon ke niche

andhera lafzon men Dhal gaya hai

yahan sab alfaz khokhle hain

ye khokhla-pan muqaddaron se juda hua hai

ye khokhla-pan

jise maani ki ret se bhar sake na koi

muqaddaron se juda hua hai

andhera ghodon ki hinhinahat se gunjta hai

andhera

jis men kisi ki anhken pighal gai hain

vo hinhinahat se gunjta hai

khulus ki ungliyon ke niche

shuur niili rutubaton men ulajh gaya hai

More Poems

Leave a Comment