Iqbal Khawar
kabhi to is ab-o-hava ko badal kar
mujhe dekh ḳhud se tu bahar nikal kar
tamasha nahin hai faqat teri duniya
khula bhed mujh par ye ghar se nikal kar
ye kam to nahin hai ki shahr-e-suḳhan tak
main ḳhud apne pairon pe aaya huun chal kar
kahan dekhta hai idhar ko udhar ko
ye uljhan hai teri ise ḳhud hi hal kar
zamin nikli jaati hai pairon se mere
bahut chal raha huun agarche sanbhal kar
badal jaa.e shayad mizaj us ka ‘ḳhavar’
chalo dekhte hain ye mausam badal kar
Leave a Reply