apni hi avaz ko be-shak kaan men rakhna
lekin shahr ki khamoshi bhi dhyan men rakhna
mere jhuut ko tolo bhi aur kholo bhi tum
lekin apne sach ko bhi mizan men rakhna
kal tarikh yaqinan khud ko dohraegi
aaj ke ik ik manzar ko pahchan men rakhna
bazm men yaron ki shamshir ke jauhar dekho
razm men lekin talvaron ko myaan men rakhna
is dariya se aage ek samundar bhi hai
aur vo be-sahil hai ye bhi dhyan men rakhna
is mausam men gul-danon ki rasm kahan hai
logo ab phulon ki atish-dan men rakhna
Leave a Reply