Abid Malik
shahr se jab bhi koi shahr juda hota hai
har taraf naqshe pe kohram bapa hota hai
roz ik baagh guzarta hai isi raste se
roz kashkol men ik phuul dhara hota hai
zakhm aur ped ne ik saath dua mangi hai
dekhiye pahle yahan kaun hara hota hai
ek duuje ko kabhi jaan nahin paae ham
main naya hota huun ya khvab naya hota hai
main suna aaya huun kal raat use apni katha
jaane ab yaar ki divar ka kya hota hai
Leave a Reply