Hasan Naim
main kis varaq ko chhupa.un dikha.un kaun sa baab
kisi habib ne mangi hai zindagi ki kitab
hamen na bhulna alam-e-sad-zaman ki yahan
hamin hain maskan-e-hirman hamin hain bait-e-azab
inhi se shab men ujala inhi se nur-e-ḳhayal
mire liye to bahut kuchh hain dida-e-be-ḳhvab
gaya tha dasht se uTh kar samundaron ki taraf
vahan bhi tishna-nasibi vahan bhi marg-e-sarab
pakaḌ ke daman-e-dil ya jhuka ke sar apna
diya hai ḳhvab-e-shikasta ka har kisi ko hisab
mire kalam ki tafsir ke liye paḌhiye
jamal-e-fikr ki aayat nava-e-jan ki kitab
vo ankhen pyaar ke lahje men kah rahi thiin ‘hasan’
hamin se maang piyala hamin se maang sharab
hava bahar ke mausam men yuun chali ki ‘na.im’
na surḳh-ru tha gulistan na surḳh-ru the gulab
Leave a Reply