Farooq Muztar
har na.e moḌ dhuup ka sahra
karvan-saz rah ga.e tanha
saya-e-shaḳh-e-gul se na-manus
vo koi paltu kabutar tha
vo koi reshmi libas men thi
main koi phuul tha jo murjhaya
chandni chaar din bahut soi
panchven din ḳhumar TuuT gaya
machhliyan ḳhud-fareb hoti hain
ik machhere na tabsira likkha
vapsi ab gharon men na-mumkin
duur tak be guman sannaTa
as.man soch kar uḌaan bhari
chaar samton se ik ḳhala ubhra
kashtiyan sahilon pe Duub chalin
vo khule paniyon men kuud paḌa
raushni ke halif bhugtenge
tirgi ki jabin par likkha
Leave a Reply