Syed Zameer Jafri
apni ḳhabar nahin hai ba-juz is qadar mujhe
ik shaḳhs tha ki mil na saka umr-bhar mujhe
sho.alon ki guftugu men saba ke ḳhiram men
avaz de raha hai koi ham-safar mujhe
shayad unhin ka ijz mire kaam aa gaya
jin doston ne chhoḌ diya vaqt par mujhe
shab ko to ek qafila-e-gul tha saath saath
yarab ye kis maqam pe aa.i sahar mujhe
hanste rahe falak pe sitare zamin pe phuul
achchha hua ki umr mili muḳhtasar mujhe
muddat ke ba.ad us ne sar-e-anjuman ‘zamir’
dekha nigah-e-am se aur ḳhaas kar mujhe
Leave a Reply