dekh kar ye pur-shikan zulfen tiri
marta hai maar sar divar se
vo nikalenge mire arman kya
un ko fursat hi nahin aghyar se
yuun na chhuTogi qafas se bulbulo
tiliyon ko kaaT do minqar se
koi milta hi nahin is daur men
jo ki mahram ho tire asrar se
intiha ye hai buton ke shauq men
kam nahin rag rag miri zunnar se
jam.a ho jaati hai divanon ki bhiiḌ
vo guzarte hain agar bazar se
farq ye ‘jauhar’ miTana hai hamen
phuul se khele hai koi ḳhaar se
Leave a Reply