mohabbat mehrban teri na meri
mukammal dastan teri na meri
ganva di umr jis ko jitne men
vo duniya meri jaan teri na meri
ḳhuda jaane hai kis ka dard kitna
ye sanjhi siskiyan teri na meri
hain na-insafiyan har samt lekin
khuli ab tak zaban teri na meri
bacha hai aur na koi bach sakega
ghamon ki andhiyan teri na meri
tu jitna bhi unhen apna samajh le
siyasi hastiyan teri na meri
sahafat ko ḳharida ahl-e-zar ne
rahi ab surḳhiyan teri na meri
adakari riya-kari dikhava
haqiqat ki zaban teri na meri
Leave a Reply