mohabbat ki hava-e-dil-ruba se jhuuT bolegi
hasin kazib hai vo ahl-e-vafa se jhuuT bolegi
vo ik ik jhuuT jhuTlane ko sau sau jhuuT bolegi
vo ḳhud se jhuuT bolegi ḳhuda se jhuuT bolegi
mire ma.asum sach ko kach.hari men la khaḌa kar ke
koi dekhe ki vo kis kis ada se jhuuT bolegi
usi ke jhuuT se girdab men us ka safina hai
magar ulTa vo apne na-ḳhuda se jhuuT bolegi
ye maana sub.h-e-sadiq ko kare vo jhuuT se tauba
usi pal vo magar bad-e-saba se jhuuT bolegi
ajab kya jo use ho jaa.e umr-e-javedan hasil
jo vo shirin-dahan apni qaza se jhuuT bolegi
Leave a Reply