Ghulam Mohammad Qasir
mohabbat ki gavahi apne hone ki ḳhabar le ja
jidhar vo shaḳhs rahta hai mujhe ai dil! udhar le ja
saji hai bazm-e-shabnam to tabassum kaam aa.ega
ta.aruf phuul ka darpesh hai to chashm-e-tar le ja
andhere men gaya vo raushni men lauT aa.ega
diya jo dil men jalta hai usi ko baam par le ja
uḌanon asmanon ashiyanon ke liye ta.ir!
ye par TuuTe hue mere ye meyar-e-nazar le ja
zamanon ko uḌanen barq ko raftar deta tha
magar mujh se kaha Thahre hue sham-o-sahar le ja
koi munh pher leta hai to ‘qasir’ ab shikayat kya
tujhe kis ne kaha tha aa.ine ko toḌ kar le ja
Leave a Reply