abdul-rahman-khan-wasfi-bahraichi

Mohabbat Ka Jise Irfan Nahin Hai

mohabbat ka jise irfan nahin hai

vo sab kuchh hai magar insan nahin hai

shuur-e-zindagi par mitne vaalo

shuur-e-zindagi asan nahin hai

talab ka haath badhta ja raha hai

khayal-e-vusat-e-daman nahin hai

khafa be-vaj.h naseh ho rahe ho

tumhari baat kuchh quran nahin hai

vo mast-e-hal hai ‘vasfi’ ki us ko

gham-e-dil hai gham-e-dauran nahin hai

More Poems

Leave a Comment