banhon men yaar ho, koi fursat ki shaam ho
aur bargah-e-ishq-alaihis-salam ho
chamki hui ho mausam-e-sarma ki ik dopahar
ḳhush-sabz raston men koi ham-ḳhiram ho
chuma tha main ne jis ko, ijazat ki ek shaam
us kakul-e-siyah ka bahut ehtimam ho
lab ho kisi bahar-e-muambar se bosa-yab
aur us ke shukr men koi honTon ka jaam ho
mahki hui milo kisi chahat ki yaad se
chahat ka chahe mere alava bhi naam ho
Leave a Reply