Mohabbat Jag Utthi Rag Rag Mein Armanon Ko Nind Aai

Sufi

mohabbat jaag utthi rag rag men armanon ko niind aai

haqiqat ne naqab ulti to afsanon ko niind aai

chhalakti hi rahi mai daur chalta hi raha lekin

ruki gardish un ankhon ki to paimanon ko niind aai

bichhe the phuul bhi har mod par fasl-e-baharan men

magar i to kanton par hi divanon ko niind aai

sar-e-mahfil raha ik ratjage ka sa saman shab bhar

palak jhapki na sham.on ki na parvanon ko niind aai

tajalli thi na tabani tasavvur tha na partav tha

tire jaate hi saare aina-khanon ko niind aai

mohabbat thi farozan dard ka ehsas tha jab tak

hui insaniyat rukhsat to insanon ko niind aai

shab hijran ka sannata hai taari band hain ankhen

ye maut i ki tere sokhta-janon ko niind aai

musalsal ishq men aalam raha shab-zinda-dari ka

sar-e-maqtal pahunch kar tere divanon ko niind aai

ghani hai kis qadar chhanv ‘ziya’ kufr-e-mohabbat ki

magar is chhanv men kitne hi imanon ko niind aai