Poet
ham ne apne dil ko pesh-e-ru-e-janan kar diya
a.ina ko a.ina dikhla ke hairan kar diya
apni parchha.in se koson bhagta huun in dinon
mujh ko vahshat ne zamane se gurezan kar diya
yak jahan maara gaya ishq-e-lab-e-jan-baḳhsh men
tum ne aalam ko ghariq-e-ab-e-haivan kar diya
ham ne chand auraq-e-vasf-e-gul men likkhe the kahin
naam un ka shaiḳh ‘sadi’ ne gulistan kar diya
Leave a Reply