afzal-ahmad-syed

Wo Apne Aansu Ek Nazuk Hair Dryer Se Sukhati Hai

vo apne aansu

ek nazuk hair dryer se sukhati hai

jab us ki masnui palken

us ka badan chhupane men nakam ho jaati hain

das nakhun-tarash

us ke nakhunon ki dekh-bhal karte hain

vo bachchon ki tarah barte jaane se

tang aa chuki hai

pur-kashish badan ko milne vaale tamghon ke darmiyan se

vo machhli ki tarah

tair kar nikal jaati hai

apne talvon ke niche

vo gahrai aur drama chahti hai

us ke baal

shampō ki shishi par likhi hui hidayat par

sakhti se amal karte hain

mahauliyati aludgi ka khayal karte hue

vo koi bosa nahin deti

us ka takiya

duniya ke tamam ashiqon ke aansu

jazb kar sakta hai

More Poems

Leave a Comment