Yahya Khan Yusuf Zai
dil se nikal na pa.egi mauj-e-havas ki bas
is tarah khinchti hai ye tar-e-nafas ki bas
phir yuun hua ki raushni nazil hui vahan
phir dekhte hi khul gaya chak-e-qafas ki bas
main barf ki chaTan huun tu garm-rau charagh
mat puchh mujh pe kya hai tiri dastaras ki bas
dam-saz to bahut hain koi dam-shanas ho
koi tapish si hai tah-e-mauj-e-nafas ki bas
sahra mire mizaj ka hissa hai phir bhi aaj
ik abr-zad ne kiya is tarah mas ki bas
Leave a Reply