saron ki fasl kaaTi ja rahi hai
vo dekho surḳh andhi aa rahi hai
haTa lo sahn se kachche ghaḌon ko
kahin malhar sohni ga rahi hai
miri dastar kaise bach sakegi
qasam vo mere sar ki kha rahi hai
ye barsegi kahin par aur ja kar
ghaTa jo mere sar par chha rahi hai
samajh rakkha hai kya divangi ko
ye duniya kya hamen samjha rahi hai
tamanna jald marne ki hai ham ko
hayat ab tak yunhi bahla rahi hai
Leave a Reply