har khvab kaali raat ke sanche men dhaal kar
ye kaun chhup gaya hai sitare uchhal kar
aaise dare hue hain zamane ki chaal se
ghar men bhi paanv rakhte hain ham to sambhal kar
khana-kharabiyon men tira bhi pata nahin
tujh ko bhi kya mila hamen ghar se nikal kar
jhulsa gaya hai kaghzi chehron ki dastan
jalti hui khamoshiyan lafzon men dhaal kar
ye phuul khud hi suukh kar aenge khaak par
tu apne haath se na inhen paemal kar
Leave a Reply