karenge sab ye da.ava naqd-e-dil jo haar baiThe hain
ḳhafifa men tumhare ashiq-e-nadar baiThe hain
ajab kya ashiqon ko dil men ye ma.ashuq kahte hon
ye kyuun ghar gher kar mera ḳhuda ki maar baiThe hain
shab-e-furqat ka ik dariya-e-gham hai beach men haa.il
jo main is paar baiTha huun to vo us paar baiThe hain
koi hai ittila.a is vaqt kar de ja ke thane par
vo mere qatl par khinche hue talvar baiThe hain
safedi ḳhana-e-dil men siyah-karon ke pherenge
nahin mimbar pe vaa.iz paaḌ par me.amar baiThe hain
pakaḌ kar kaan apna dars-gah-e-ishq men ashiq
hazaron baar uTThe hain hazaron baar baiThe hain
kaha karte the valid qais ke fart-e-mohabbat men
nahin ma.alum kis jangal men bar-ḳhurdar baiThe hain
‘zarif’ ab fa.eda kya sha.iron ko sardi khane se
ghazal ham paḌh chuke ghar jaa.en kyuun be-kar baiThe hain
Leave a Reply