Mohabbat Bais-E-Diwangi Hai Aur Bas Main Hun

mohabbat bā.is-e-dīvāngī hai aur bas maiñ huuñ

ki ab paiham ināyat aap kī hai aur bas maiñ huuñ

sukūñ hāsil hai din meñ aur na shab ko chain miltā hai

ki ab to kashmakash meñ zindagī hai aur bas maiñ huuñ

na jaane mājrā kyā hai nazar kuchh bhī nahīñ aatā

ki ab hadd-e-nazar tak tīrgī hai aur bas maiñ huuñ

nahīñ hai aaj mujh ko ḳhadsha-e-zulmat zamāne meñ

ruḳh-e-tābāñ kī un ke raushnī hai aur bas maiñ huuñ

qadam kyā Dagmagā.eñge rah-e-ulfat meñ ai saaqī

bahut hī muḳhtasar sī be-ḳhudī hai aur bas maiñ huuñ

tire naqsh-e-qadam par sar jhukānā kaam hai apnā

ḳhudā shāhid ye merī bandagī hai aur bas maiñ huuñ

unheñ rūdād-e-ġham apnī sunā.ūñ kis tarah ‘qaisar’

vahī un kī adā-e-barhamī hai aur bas maiñ huuñ

Leave a Comment