Pirzada Qasim
miyan-e-kar-e-duniya ham se dil nashad kya karte
hamen vo yaad kab aaya use ham yaad kya karte
agar pahchan apni ik dil-e-viran hai to phir
vo ham ko shaad kya aur ham use abad kya karte
hamen jaldi bahut thi ishq men barbad hone ki
so pesh-o-pas men paḌ ke vaqt ko barbad kya karte
bhala ye ah-o-zari sho.abada-bazon ke bas ki hai
fughan e.ajaz hoti hai fughan ijad kya karte
agar ham sarf ho jaate kahin fariyad ki lai men
to bas lai-kar ho sakte the ham fariyad kya karte
Leave a Reply