Sufi Tabassum
miTi miTi hui yadon ke daagh kya jalte?
na thi sharab men garmi ayagh kya jalte?
fasurda ho ga.e sehn-e-chaman ke parvane
mila na atish-e-gul ka suragh kya jalte?
dabe dabe rahe siine main aarzu ke daagh
tumhare husn ke aage charagh kya jalte?
bahar men bhi jigar-sozi-e-bahar na thi
ye koh o dasht o chaman bagh-o-ragh kya jalte?
jalan bahut thi gham-e-zindagi ke sho.alon men
bahut fasurda the sahib-faragh kya jalte?
vafa se ahl-e-havas ko surur kya milta?
ḳhirad-faroz the ye be-dimagh kya jalte?
Leave a Reply