poet

Aise Ki Mohabbat Ko Mohabbat Na Kahenge

aise ki mohabbat ko mohabbat na kahenge

is aam inayat ko inayat na kahenge

kahiye to kahun anjuman-e-ghair ko rudad

kya ab bhi ise aap karamat na kahenge

samjhenge na aghyar ko aghyar kahan tak

kab tak vo mohabbat ko mohabbat na kahenge

jab arbada-ju tum ho to kyuun sabr sameten

ham is men raqibon ki shararat na kahenge

hai yaad ‘zahir’ un ka shab-e-vasl bigadna

vo talkhi-e-dushnam ki lazzat na kahenge

More Poems

Leave a Comment