mujhe to qatra hi hona bahut satata hai
isi liye to samundar pe rahm aata hai
vo is tarah bhi miri ahmiyat ghatata hai
ki mujh se milne men sharten bahut lagata hai
bichhadte vaqt kisi aankh men jo aata hai
tamam umr vo aansu bahut rulata hai
kahan pahunch gai duniya use pata hi nahin
jo ab bhi maazi ke qisse sunae jaata hai
uthae jaaen jahan haath aise jalse men
vahi bura jo koi masala uthata hai
na koi ohda na degrē na naam ki takhti
main rah raha huun yahan mera ghar batata hai
samajh raha ho kahin khud ko meri kamzori
to us se kah do mujhe bhulna bhi aata hai
Leave a Reply