Shikast-E-Jaan Se Siwa Bhi Hai Kar-E-Fan Kya Kya

shikast-e-jan se siva bhi hai kar-e-fan kya kya

azaab khinch raha hai mira badan kya kya

na koi hijr ka din hai na koi vasl ki raat

magar vo shakhs ki hai jan-e-anjuman kya kya

ada hui hai kai baar tark-e-ishq ki rasm

magar hai sar pe vahi qarz-e-jan-o-tan kya kya

nigah-e-bulhavasan haae kya qayamat hai

badal rahe hain gul-o-lala pairahan kya kya

guzar gae to guzarte rahe bahut khurshid

jo rang laai to laai hai ik kiran kya kya

qarib tha ki main kar-e-junun se baaz aa.uun

khinchi khayal men tasvir-e-kohkan kya kya

Leave a Comment