Labaalab Dukh Se Tha Qissa Hamara

labālab dukh se thā qissa hamārā

magar chhalkā nahīñ dariyā hamārā

asar us par to kab honā thā lekin

tamāshā ban gayā ronā hamārā

magar aane se pahle soch lo tum

bahut vīrān hai rasta hamārā

ajab taptī huī miTTī hai apnī

ubaltā rahtā hai dariyā hamārā

tumhāre haq meñ bhī achchhā nahīñ hai

tumhāre ġham meñ yuuñ jiinā hamārā

usī ko dukh kā andāza thā apne

vahī tanhā sahārā thā hamārā

Leave a Comment