misl-e-sarmad talib-e-haq-bin agar sar-dad daad
dekh le mansur ne ji daar par ustad daad
ishq hai ai dil kaThin kuchh ḳhana-e-ḳhala nahin
rakh dilerana qadam ta tujh ko ho imdad daad
ho nahin sakti hai jis ki gosh-zad fariyad daad
jis ne abadan mere dil ka nagar barbad daad
rashk-e-duniya hai kisi ne kyuun bara.e chand roz
zindagi apne ta.iin afsos ya mi.ad daad
kis se ho sakta hai jo is ne kiya aalam ke saath
surat-e-ḳhaki men kaisa kuchh dam-e-ijad daad
ḳhurram-o-ḳhursand ik aalam hai par hairan huun main
kyuun mujhe ḳhatir hazin ho.e dil-e-nashad daad
‘afridi’ us shikar-andaz se kyunkar baje
daam men jis ke hai sab ḳhilqat azaan sayyad daad
Leave a Reply