dil mira muztar bahut paiham raha
zindagi men jab musalsal gham raha
mehrban tha kuchh tasavvur is tarah
hijr men bhi vasl ka aalam raha
manzilen us ka muqaddar ban ga.iin
azm jis insan ka mohkam raha
kis taraf le aa.i hai ye zindagi
vaqt ham par mehrban kam-kam raha
phir kisi ke talḳh lahje ke sabab
ye charagh-e-arzu maddham raha
qahqahon ke saath aansu the ravan
raat vahshat men ajab aalam raha
jab bhi dekha aa.ina ‘zaryab’ ne
aks maazi ka bahut maddham raha
Leave a Reply