Gardish-E-Dasht-E-Tamanna Se Mila Kuchh Bhi Nahin

Poet

gardish-e-dasht-e-tamanna se mila kuchh bhi nahin

ghalghala hone ka sunte the hua kuchh bhi nahin

har haqiqat vahima hai vahima kuchh bhi nahin

dekhne men sab ḳhuda hai aur ḳhuda kuchh bhi nahin

jazba-e-ta.amir men ik ḳhvahish-e-taḳhrib thi

kuchh banana tha use lekin bana kuchh bhi nahin

jab se chizon ki haqiqat se hua huun ashna

dekhta huun par dikhata aa.ina kuchh bhi nahin

lauh ik mahfuz hai aur is liye mahfuz hai

us ne apne haath se is par likha kuchh bhi nahin

aks hairat-gah men bikhre hue hain har taraf

jabki hairat-gah men mere siva kuchh bhi nahin