misl-e-namrud har ik shaḳhs ḳhuda.i mange
dil vo pagal hai ki ḳhilqat ki bhala.i mange
ham hain mujrim to adalat men bulaya hota
bol sakte hain agar koi safa.i mange
kitni sarkash hai tamanna ki huzuri chahe
kitna bebak hai naala ki rasa.i mange
shauq chahe ki abhi aur bagule uTThen
vus.at-e-dasht miri abla-pa.i mange
koi tamkin koi taskin koi tahsin chahe
ek ‘munzir’ hai ki ashufta-nava.i mange
Leave a Reply