Jawed Manzar
misal-e-shabnam gul aazma rahi hai mujhe
tire ḳhayal ki ḳhushbu bula rahi hai mujhe
nigah men samt girah men bhi zar raha lekin
miri malal-nigahi miTa rahi hai mujhe
tujhe bhula.un ki main ḳhud ko bhuul ja.un yahan
ḳhayal-o-ḳhvab ki duniya sata rahi hai mujhe
main bhuuk pyaas se behal ho ke sochta huun
ḳhushi ka muzhda qaza kyon suna rahi hai mujhe
tamam ramish-o-rang us ke saath hain ‘manzar’
to is jahan se raghbat hi kya rahi hai mujhe
Leave a Reply