akbar-allahabadi

Haal-E-Dil Main Suna Nahin Sakta

hal-e-dil main suna nahin sakta

lafz maana ko pa nahin sakta

ishq nazuk-mizaj hai behad

aql ka bojh utha nahin sakta

hosh aarif ki hai yahi pahchan

ki khudi men sama nahin sakta

ponchh sakta hai ham-nashin aansu

dagh-e-dil ko mita nahin sakta

mujh ko hairat hai us ki qudrat par

alam us ko ghata nahin sakta

More Poems

Leave a Comment