Karenge Ahl-E-Nazar Taza Bastiyan Aabaad

karenge ahl-e-nazar taaza bastiyan abad

miri nigah nahin su-e-kufa-o-baghdad

ye madrasa ye javan ye surur o ranai

inhin ke dam se hai mai-khana-e-farang abad

na falsafi se na mulla se hai gharaz mujh ko

ye dil ki maut vo andesha o nazar ka fasad

faqih-e-shahr ki tahqir kya majal miri

magar ye baat ki main DhunDta huun dil ki kushad

kharid sakte hain duniya men ishrat-e-parvez

khuda ki den hai sarmaya-e-gham-e-farhad

kiye hain faash rumuz-e-qalandari main ne

ki fikr-e-madrasa-o-khanqah ho azad

rishi ke faqon se tuuta na barhaman ka tilism

asa na ho to kalimi hai kar-e-be-buniyad

Leave a Comment