misal-e-sang paḌa kab tak intizar karun
pighalne men jo ravani hai iḳhtiyar karun
ḳhabar nahin vahan tu kaun se libas men ho
main kaise alam-e-pinhan ko ashkar karun
ba-rang-e-mauja-e-ḳhushbu uḌa uḌa phire tu
main apne qurb se kyuun tujh ko zer-e-bar karun
main dekhta huun use kaise kaise rangon men
kashid-e-rang karun aur baar baar karun
vo ek baar bhi mujh se nazar mila.e agar
to main use bhi koi mehrban shumar karun
jo tu gaya hai to main bhi chala gaya goya
aur ab bhi dasht-e-tahayyur men ḳhud ko ḳhaar karun
yunhi to main ‘zafar’ is haal ko nahin pahuncha
fareb de jo mujhe us pe e’tibar karun
Leave a Reply