Misal-E-Charkh Raha Aasman Sar-Gardan

misal-e-charkh raha ‘asman’ sar-gardan

par aaj tak na khula ye ki justuju kya hai

yahan to kaam tamanna hi men tamam hua

magar unhon ne na puchha ki aarzu kya hai

ye bahs kasrat o vahdat ki ham se kyuun vaaiz

hamari ankhon se tu dekh char-su kya hai

koi to chahiye rakhna umid-vari ko

barae-chak-e-jigar hajat-e-rafu kya hai

masal jahan men hai ”mushte namuna az-khurvar”

jo hat-dharam nahin tum ho to hat ki khu kya hai

gavah hain ye tiri bahki bahki baton ke

ye jaam kya hai ye mai kya hai ye subu kya hai

tumhare daant nahin hiire ki hain ye kaniyan

tumhare samne moti ki aabru kya hai

Leave a Comment