Poet
mili jo dil ko ḳhushi to ḳhushi se ghabra.e
ham ajnabi ki tarah zindagi se ghabra.e
vo aur kuchh hai magar ka.enat-e-hosh nahin
ik aadmi hi agar aadmi se ghabra.e
kabhi kabhi to tiri dosti men ham ai dost
ḳhud apne alam-e-avargi se ghabra.e
jala liye hain usi vaqt ansuon ke charagh
shab-e-firaq men jab tirgi se ghabra.e
vahi to bazm se saaqi ki uTh ga.e mahrum
jo mai-kade men kabhi tishnagi se ghabra.e
fareb-e-gesu-e-pur-ḳham ho ya ho sham-e-hayat
vo shams kya ki kisi tirgi se ghabra.e
Leave a Reply