Mile Qatra Qatra Ye Kya Zindagi Hai

mile qatra qatra ye kyā zindagī hai

ai dariyā-e-rahmat vahī tishnagī hai

azal se mirī tujh se vābastagī hai

terī bandagī hī merī zindagī hai

tujhe maiñ ne pā to liyā mere hamdam

magar dil ye kahtā hai tū ajnabī hai

adhūrī vafāoñ se ummīd rakhnā

hamāre bhī dil kī ajab sādgī hai

basī merī sāñsoñ meñ hai terī ḳhushbū

vahī āgahī hai ki jo be-ḳhudī hai

Leave a Comment