Mil Us Pari Se Kya Kya Hua Dil

mil us parī se kyā kyā huā dil

shaidā huā dil rusvā huā dil

barq-e-tajallī dekh us nigah kī

juuñ tuur jal kar surmā huā dil

us sañg-dil kī mai-ḳhvārgī se

ḳhūn-e-jigar meñ miinā huā dil

haiñ munqasim ye ḳhūñ-bār āñkheñ

jin kī badaulat dariyā huā dil

josh-e-junūñ se ishq-e-butāñ meñ

siinā huā koh-e-sahrā huā dil

sozāñ hai az bas dāġh-e-mohabbat

ik ik kā sā sho.ala huā dil

yūñhī ‘muhib’ thī ḳhvāhish ḳhudā kī

ab to butāñ kā banda huā dil

Leave a Comment