Main Ye Din-Raat Badal Dalungi

maiñ ye din-rāt badal Dālūñgī

apne hālāt badal Dālūñgī

kab talak aas kī suulī pe rahūñ

ab ye jazbāt badal Dālūñgī

dil kī Thokar pe use rakkhūñgī

ġham kī auqāt badal Dālūñgī

us kī sochoñ pe tasarruf hai mirā

so ḳhayālāt badal Dālūñgī

haar se apnī na ho ranjīda

jiit se maat badal Dālūñgī

bin tire jī ke dikhā.uñgī ‘sahar’

dard kī zaat badal Dālūñgī

Leave a Comment