Ghulam Husain Sajid
mil ga.i hai badiya-paima.i se manzil miri
kaam aa.i hai bil-aḳhir sa.i-e-la-hasil miri
paanv dharne ko mayassar aa nahin paati zamin
naav ruk jaati hai aa kar jab lab-e-sahil miri
ik kami meri tag-o-dau men kahin maujud hai
ho nahin paa.i abhi tak koi shai kamil miri
mil nahin paati ḳhud apne-ap se fursat mujhe
mujh se bhi mahrum rahti hai kabhi mahfil miri
main yahin rah ja.unga ho kar asir-e-dam-e-asr
raah takta hi rahega mera mustaqbil miri
kya bacha.un daan men kya duun samajh aata nahin
daulat-e-dil mangta hai mujh se ik saa.il miri
koi apne se gila hota na ‘sajid’ dahr se
ghaur se ik baat sun leta agar ye dil miri
Leave a Reply