meri taḳhliq hui jis ki tag-o-taz ke saath
vahi zarra mujhe takta hai baḌe naaz ke saath
jurm ke ba.ad khula dil pe dar-e-ḳhauf-e-saza
zehan bedar hua subah ke aghaz ke saath
main ne bhi toḌ diya ḳhaak ki ḳhushbu ka tilism
kho gaya main bhi ḳhalaon men baḌe raaz ke saath
phir miri raah men haa.il hai vahi koh-e-sukut
main ne kaaTa tha jise tesha-e-avaz ke saath
DhunDhti phirti hai kirdar ko tamsil-e-gunah
rat-jage ḳhatm hue ‘ḳhalid’-e-shiraz ke saath
Leave a Reply