Najma Shaheen Khosa
chandni chup rahi raushni chup rahi
meri har baat par zindagi chup rahi
ham to ghuT ghuT ke ik roz mar ja.enge
is ghuTan men agar aankh bhi chup rahi
dard mera bayan un se kab ho saka
sher ḳhamosh the sha.iri chup rahi
ik yaqin tha palaT aa.ega vo abhi
main to bas us ki rah dekhti chup rahi
mujh ko maqtal men jis roz bheja gaya
sochti huun main kyuun us ghaḌi chup rahi
main ne ‘shahin’ jivan guzara hai yuun
niind men baat ki jagti chup rahi
Leave a Reply